რუსეთის პრეზიდენტმა ვლადიმერ პუტინმა — ევროკავშირისა და NATO-ს ლიდერის იშვიათი ვიზიტის ფარგლებში — მოსკოვში უნგრეთის პრემიერმინისტრი ვიქტორ ორბანი მიიღო და განაცხადა, რომ კვლავაც უნდა ბუდაპეშტში რუსეთისა და აშშ-ის პრეზიდენტ დონალდ ტრამპის სამიტის გამართვა. ინფორმაციას Reuters ავრცელებს.

ორბანმა განაცხადა, რომ სურს დეტალური მოლაპარაკებები რუსული ნავთობისა და გაზის მიწოდებაზე, რადგან ისინი უნგრეთის ენერგეტიკული უსაფრთხოებისთვის გადამწყვეტია.

ორბანს, რომელსაც ტრამპთანაც თბილი ურთიერთობა აქვს, ოქტომბერში პუტინ-ტრამპის სამიტისთვის უნდა ემასპინძლა, მაგრამ აშშ-ის ლიდერმა მონაწილეობაზე უარი თქვა, რათა "დრო უაზროდ არ დაეკარგა".

სატელევიზიო გამოსვლისას პუტინმა ორბანს უთხრა, რომ კვლავაც მიესალმება შეხვედრის ბუდაპეშტში გამართვას და მადლობა გადაუხადა მას მასპინძლობის შეთავაზებისთვის.

მოლაპარაკებები იმ ფონზე გაიმართა, როცა ტრამპის სპეციალური წარმომადგენელი სტივ უიტკოფი, ომის დასრულების ახალი მცდელობების ფარგლებში, მომავალ კვირას მოსკოვში პუტინს შეხვდება.