მსახიობ ანდრო ჭიჭინაძის, ონისე ცხადაძისა და კიდევ 9 პირის სასამართლო პროცესი გადაიდო. ამის მიზეზი გური მირცხულავასა და ერთ-ერთი ადვოკატის გამოუცხადებლობა გახდა.

მომდევნო სხდომის თარიღის ჩანიშვნისას მოსამართლის ნათქვამს, იყო თუ არა 16 იანვარი მხარეებისთვის მისაღები, მსჯავრდადებულებისა და მათი ახლობლების უკმაყოფილება მოჰყვა.

ადვოკატებმა ასევე შუამდგომლობით მიმართეს სასამართლოს, რათა პროცესის საჯაროობა უზრუნველყოფილი იყოს. უფლებადამცველების თქმით, მედიასაშუალებებს გადაღებასთან დაკავშირებით იუსტიციის უმაღლესი საბჭოსთვის მიმართული აქვთ, თუმცა, უწყების პასუხი ცნობილი არ არის. ადვოკატებმა სასამართლოს სთხოვეს, იყოს შუამავალი იუსტიციის უმაღლეს საბჭოსთან, რათა ჟურნალისტებმა პროცესის გადაღება შეძლონ.

შემდეგი სასამართლო პროცესი 20 იანვარს, 12:00 საათზე ჩაინიშნა.

ცნობისთვის, ანდრო ჭიჭინაძეს, ონისე ცხადაძეს, ჯანო არჩაიას, რუსლან სივაკოვს, ლუკა ჯაბუას, გურამ მირცხულავას, ვალერი თეთრაშვილს, გიორგი ტერიშვილს, ირაკლი ქერაშვილს, რევაზ კინაძესა და სერგეი კუხარჩუკს ბრალი საქართველოს სისხლის სამართლის კოდექსის 225-ე მუხლის მეორე ნაწილით წარედგინათ, რაც ჯგუფურ ძალადობაში მონაწილეობას გულისხმობს, რაც სასჯელის სახედ და ზომად 4-დან 6 წლამდე თავისუფლების აღკვეთას ითვალისწინებს.

მეტი 11 პირის საქმეზე: