პარტია გახარია საქართველოსთვის 28 ნოემბერს დაგეგმილ აქციაში მონაწილეობას არ მიიღებს. ამის შესახებ პარტია გახარია საქართველოსთვის წევრმა ვიკა ფილფანმა განაცხადა. მისი თქმით, მისი პარტია არ იქნება არსად, სადაც ნაცმოძრაობაა.

"ზუსტად ერთი წლის წინ, ეს აქციები დაიწყო გულწრფელი ხალხის გულწრფელი გაბრაზებით, რომელიც სამწუხაროდ გადაიზარდა გარკვეული პოლიტიკური ძალების მხრიდან ძალიან დამაზიანებელ ქმედებაში და გარკვეულმა პოლიტიკურმა ძალებმა ამ ადამიანების გულწრფელი პროტესტი მიწასთან გაასწორეს და გვირგვინი დაადგეს 4 ოქტომბრის პროვოკაციის სახით. ამიტომ, ჩვენ არ ვიქნებით არსად, სადაც იქნება ნაცმოძრაობა", — ამბობს ვიკა ფილფანი.