დანიური კომპანია Novo Nordisk-ის წარმოებული ინსულინი საქართველოშია, შესაბამისად, ტიპის 1 დიაბეტის მქონე ბავშვების მკურნალობა პრეპარატ "ნოვორაპიდით" ხელმისაწვდომია. ამის შესახებ ინფორმაციას ოკუპირებული ტერიტორიებიდან დევნილთა, შრომის, ჯანმრთელობის და სოციალური დაცვის სამინისტრო ავრცელებს. მათი განმარტებით, პაციენტებს შეუძლიათ თავად გადაწყვიტონ რომელი პრეპარატით იმკურნალებენ. მათივე თქმით, წინასწარ შესყიდული მედიკამენტი საქართველოს, მწარმოებელ ქარხანაში შექმნილი პრობლემების გამო, დროულად ვერ მიეწოდა, თუმცა ქვეყანაში ინსულინის დეფიციტი არ შექმნილა.

"პაციენტებს შეუძლიათ, თავად აირჩიონ, ძველი სქემის მიხედვით, ისევ "ნოვორაპიდს" დაუბრუნდნენ, თუ მკურნალობა მისი ანალოგი, ფრანგული Sanofi Aventis-ის წარმოებული "აპიდრათი განაგრძონ. არჩევანის საშუალება აქვთ მათაც, ვინც თავიდანვე
"აპიდრას" იყენებდა.

შეგახსენებთ, მწარმოებელ ქარხანაში შექმნილი პრობლემების გამო, Novo Nordisk-მა წინასწარ შესყიდული მედიკამენტი, საქართველოს, დროულად ვერ მოაწოდა. თუმცა, ქვეყანაში ინსულინის დეფიციტი არ ყოფილა და ბენეფიციარებმა მკურნალობა "ნოვორაპიდის" ანალოგი "აპიდრათი" გააგრძელეს.

ჯანდაცვის მინისტრის განცხადებით, უწყებამ ყველაფერი გააკეთა იმისთვის, რომ საქართველოში, "ნოვორაპიდი" რაც შეიძლება სწრაფად, კვლავ ყოფილიყო ხელმისაწვდომი. როგორც მიხეილ სარჯველაძემ აღნიშნა, Novo Nordisk-თან აქტიური კომუნიკაცია გრძელდება, რომ სამომავლოდ, მსგავსი გართულებები თავიდან იქნას აცილებული", — წერია გავრცელებულ განცხადებაში.