"მასწავლებელთა პროტესტი — არა დიქტატორულ კანონებს", — 15 ნოემბერს მასწავლებლები ვასო აბაშიძის სახელობის თეატრთან (აღმაშენებლის 117) საპროტესტო აქციას გამართავენ.

ისინი ოცნების ხელისუფლების მიერ დაანონსებულ განათლების რეფორმას და კორუფციის შესახებ კანონში ცვლილებს აპროტესტებენ.

"ჩვენ ვართ მასწავლებლები, რომლებიც ზრუნავენ ჩვენს ქვეყანაზე, მომავალ თაობაზე და განათლების ხარისხზე.

ჩვენ ვდგავართ იმ კანონპროექტების წინააღმდეგ, რომლებიც მასწავლებელს ართმევს თავისუფლებას, ავტონომიას და პროფესიულ ღირსებას.

ჩვენ ვამბობთ არა:

დიქტატორულ და კონტროლის მძლავრ კანონებს;

მასწავლებელთა შიშზე და მორჩილებაზე აგებულ სისტემას;

პროფესიის გახმობის, შეურაცხყოფისა და განადგურების პრაქტიკას;

არა, 11-წლიან სასწავლო და 3+1 ერთ სწავლებას, არა, ე.წ "განათლების რეფორმას", რომელიც განათლების ხარისხისა და ცოდნის განადგურებისკენაა მიმართული, რომელიც ანადგურებს ევროპულ მომავალს!

და ვამბობთ კი:

ღირსეულ ხელფასს;

პროფესიულ თავისუფლებას;

ღირსებას, ადამიანურობას და დამოუკიდებელ აზრს;

თავისუფალ ევროპულ მომავალს. 12 წლიან სწავლებას!

"კორუფციის წინააღმდეგ ბრძოლის" კანონპროექტი არ არის გათვლილი კორუფციის შეჩერებაზე — ის მიმართულია მასწავლებელთა სრული გაკონტროლებისა და გაჩუმებისკენ. თუ კორუფცია არსებობდა — 13 წლის შემდეგ გაახსენდათ? რატომ ახლა? რისთვის? ვის სასარგებლოდ?

ე.წ "განათლების რეფორმა" მხოლოდ ევროპული პერსპექტივების გაქრობის, საუნივერსიტეტო და სასკოლო სივრცის ტოტალური კონტროლისკენაა მიმართული

ამიტომ, ჩვენ არ ვემონებით — ჩვენ ვდგავართ და ვიბრძოლებთ!!!

გამოდი 15 ნოემბერს, 16:00 საათზე.

შენი ხმა მნიშვნელოვანი, თუ მასწავლებელი ხარ, თუ ლექტორი ხარ, თუ საგანმანათლებლო სფეროში დასაქმებული პირი, ან მშობელი, გამოდი და დაიცავი შენი მოსწავლის, სტუდენტის, შვილის მომავალი!", — წერია აქციის ორგანიზატორების მიერ გავრცელებულ განცხადებაში.