ბრძანებას, რომელიც 10 ნოემბრითაა დათარიღებული, "ოცნების" პრემიერმინისტრი ირაკლი კობახიძე აწერს ხელს.

"საქართველოს მთავრობის სტრუქტურის, უფლებამოსილებისა და საქმიანობის წესის შესახებ“ საქართველოს კანონის 24-ე მუხლის პირველი პუნქტის საფუძველზე, გათავისუფლდეს გიორგი ბუთხუზo საქართველოს შინაგან საქმეთა მინისტრის მოადგილის თანამდებობიდან", — წერია ბრძანებაში.

გიორგი ბუთხუზს, "ოცნების" ათეულობით წარმომადგენელთან ერთად, ქვეყანაში შესვლის აკრძალვის სანქცია მიმდინარე წლის 3 მარტს ესტონეთმა, ლიეტუვამ და ლატვიამ დაუწესა.

მისი სახელი ფიგურირებს ასევე 15 აპრილს ლიეტუვის მიერ სანქცირებული "ოცნების" 102 მაღალჩინოსნის სიაში.

გიორგი ბუთხუზი საქართველოს შინაგან საქმეთა მინისტრის მოადგილედ 2019 წელს დაინიშნა. მანამდე ის დაზვერვის სამსახურის უფროსის მოადგილე (2019 წლის სექტემბრიდან - 2019 წლის დეკემბრამდე) და თავდაცვის მინისტრის მოადგილე ) 2016-2019) იყო.

გიორგი ბუთხუზს შს მინისტრის მოადგილის პოსტზე გიორგი სახოკია შეცვლის. შესაბამისი ბრძანებაც 10 ნოემბრითაა დათარიღებული და მას ხელს ირაკლი კობახიძე აწერს.

"საქართველოს მთავრობის სტრუქტურის, უფლებამოსილებისა და საქმიანობის წესის შესახებ" საქართველოს კანონის 24–ე მუხლის პირველი პუნქტის საფუძველზე, დაინიშნოს გიორგი სახოკია საქართველოს შინაგან საქმეთა მინისტრის მოადგილედ", — წერია ბრძანებაში.