მსოფლიოში სიდიდით მეორე კრიპტო კომპანია Bybit Georgia თბილისის ფინანსურ სამიტში მონაწილეობდა. ღონისძიების ფარგლებში კომპანია ჩაერთო სხვადასხვა სადისკუსიო პანელში, სადაც განიხილებოდა ისეთი აქტუალური თემები, როგორებიცაა გლობალური ინოვაციები, ხელოვნური ინტელექტი და ტოკენიზაცია.

სამიტს ესწრებოდა Bybit EU-ს აღმასრულებელი დირექტორი Mazurka Zeng: “ჩვენთვის დიდი პატივია თბილისის ფინანსურ სამიტში მონაწილეობა. მადლობას ვუხდით ღონისძიების ორგანიზატორებსა და საქართველოს ეროვნულ ბანკს. სადისკუსიო პანელის ფარგლებში ვისაუბრეთ ინოვაციებსა და ხელოვნურ ინტელექტზე, აგრეთვე თუ რა შესაძლებლობებს იძლევა ახალი ტექნოლოგიების შერწყმა კრიპტო ბიზნესთან.“

Bybit ბარათი — ფინტექ ინოვაცია ქართულ ბაზარზე

Bybit Georgia-მ თბილისის ფინანსური სამიტის ფარგლებში ისაუბრა კომპანიის ინოვაციურ ფინტექ პროდუქტზე — Bybit ბარათზე, რომელიც მალე ხელმისაწვდომი გახდება საქართველოს ბაზარზე და მომხმარებლებს მისცემს შესაძლებლობას კრიპტოვალუტა ყოველდღიურ ხარჯებში გამოიყენონ მარტივად და შეუფერხებლად, როგორც ნებისმიერი ტრადიციული საბანკო ბარათი.

Bybit ქარდი გლობალურად არის კომპანიის ერთ-ერთი ყველაზე წარმატებული პროდუქტი. ის Mastercard ბარათია, რომლის საშუალებითაც შესაძლებელია კრიპტოვალუტის გამოყენება მომსახურებისა და ვაჭრობის მრავალ სფეროში.

Bybit Georgia-ს რეგიონული მენეჯერი თეკლა იაშაღაშვილი აღნიშნავს: “ჩვენთვის მნიშვნელოვანი ნაბიჯია Bybit ბარათის დანერგვა საქართველოში — ეს არის თანამედროვე ფინტექ გადაწყვეტილება, რომელიც აერთიანებს ინოვაციას, უსაფრთხოებასა და კრიპტოს გამოყენების რეალურ კომფორტს ყოველდღიურობაში.“

Bybit Georgia ადგილობრივ ბაზარზე 2025 წლის ივლისში შემოვიდა. კომპანია უკვე სრულად ლიცენზირებულია და საქართველოს განიხილავს როგორც რეგიონულ ჰაბს, რომელიც სტრატეგიულ როლს ასრულებს Bybit-ის გრძელვადიან განვითარების ხედვაში.