ოცნების პრემიერმა, ირაკლი კობახიძემ ოცნების ჩინოვნიკების მიმართ კორუფციის ბრალდებებზე ჟურნალისტებთან საუბრისას თქვა, რომ 2022-2024 წლებში "კონკრეტულმა ადამიანებმა გადაწყვიტეს საკუთარი სარგებლის მიღება, რაც, მისი თქმით, ვფიქრობ, არა მხოლოდ გუნდის ღალატი, ქვეყნის ღალატია".

"2022-24 წლები იყო გამორჩეულად მძიმე და რთული ჩვენი ქვეყნისთვის იყო უსამართლობა, უხეში ზეწოლა, უხეში ქმედებები ჩვენი ქვეყნის მიმართ. იყო პირდაპირი მოწოდებები ომში ჩართვასთან დაკავშირებით, პირდაპირი მოთხოვნები. ძალიან რთული 3 წელი გამოიარა ჩვენმა ქვეყანამ, ვგულისხმობ 2022-2024 წელს და ასეთ ვითარებაში, როცა იყო გაშლილი უამრავი მიმართულებით ფრონტი გაშლილი, საბედნიერო არა საომარი ფრონტი, არამედ უბრალოდ ფრონტი, რომელიც უკავშირდებოდა ჩვენი ქვეყნის ინტერესების დაცვას, ასეთ ვითარებაში კონკრეტულმა ადამიანებმა, როგორც ჩანს, გადაწყვიტეს, გვარებს არ ვასახელებ, გადაწყვიტეს საკუთარი სარგებლის მიღება. რაც ვფიქრობ, რომ იყო გუნდის ღალატს რომ თავი დავანებოთ, ქვეყნის ღალატი", — განაცხადა ოცნების პრემიერმა, ირაკლი კობახიძემ "ოცნების" ჩინოვნიკების მიმართ კორუფციის ბრალდებებზე.