ნახეთ: Stranger Things-ის მეხუთე სეზონის ტრეილერი გამოვიდა

ყურადღება, წითელი კოდია, ჰოუკინსი ბოლო ეპიკური ბრძოლისთვის ემზადება.

სამწლიანი პაუზის შემდეგ, Stranger Things ნანატრი მეხუთე სეზონით გვიბრუნდება. ნეტფლიქსმა სულ ახლახან სერიალის ფინალური სეზონის ტრეილერი გამოაქვეყნა.

ტრეილერი მაიკისა და ილევენის დიალოგით იწყება. "ჩვენ, ძალიან მალე, ყველა შესაძლო იმედს დავკარგავთ...გაჭედილები ვართ...ამ ყველაფერს ბოლო არ უჩანს",— ამბობს მაიკი.

ტრეილერიდან ვიგებთ, რომ ილევენის ძალები საგრძნობლად გაიზარდა, ვინაიდან მომდევნო სცენაში ის ღობიდან ღობეზე უმარტივესად ხტება, ხოლო გიგანტური ლოდებს მსუბუქად ისვრის. მაქსი ჯერ კიდევ კომაშია, ხოლო ჰოუკინსის ლაბორატორია ისევ მთავარი სამიზნეა. აღსანიშნავია ისიც, რომ ახალ სეზონში Stranger Things-ის ორიგინალი ბოროტმოქმედები — დემადოგები და დემაგორგონები — ბრუნდებიან.

**კადრი Stranger Things-ის მეხუთე სეზონიდან**

ფოტო: Netflix

ამასთანავე, ერთ-ერთ სცენაში, ჯონათანი და ნენსი კადრში ტირიან, რაც, შესაძლოა, რამდენიმე მთავარი პერსონაჟის სიკვდილზე მიანიშნებდეს, ამავდროულად, ბრძოლის ველზე ახალი პერსონაჟი, ექიმი კეი, ჩნდება,რომლის როლი ფილმ ტერმინატორის ვასკვლავმა, ლინდა ჰამილტონმა, მოირგო.

მეხუთე სეზონის ტრეილერის ბოლოს ვიგებთ იმასაც, რომ უილი ვეკნას გეგმებისთვის სასიცოცხლოდ მნიშვნელოვანია. "უილ, შენ დამეხმარები. კიდევ ერთხელ...ბოლოჯერ", — მიმართავს მას ვეკნა.

იმის გათვალისწინებით, რომ სერიალი უილის სამყაროს თავდაყირა დატრიალებით დაიწყო, ლოგიკურია, რომ მან ბოლო სეზონში მნიშვნელოვანი როლი უნდა ითამაშობს. რას ითხოვს ვეკნა უილისგან, ჯერჯერობით უცნობია.

რაც შეეხება მსახიობებს, მთავარი გმირების უმეტესობა მეხუთე სეზონშიც დაბრუნდა. მათ შორის არიან: მილი ბობი ბრაუნი, ფინ ვოლფჰარდი, ვაინონა რაიდერი, ქეილებ მაკლაფლინი, მაია ჰოუკი, ჯო კირი, დევიდ ჰარბორი და სხვ.

გარდა ამისა, სერიალის ბოლო სეზონში ოთხ ახალ პერსონაჟს ვიხილავთ. მათ შორის არიან — ჯეიკ კონელი, ნეილ ფიშერი, ალექს ბრონქსი და ფილმ ტერმინატორის ვასკვლავი ლინდა ჰამილტონი.

Stranger Things-ის მეხუთე სეზონი გვიახლოვდება — ყველაფერი, რაც ვიცით

შეგახსენებთ, რომ 2016 წელს დაწყებული სერიალი, წელს — მეხუთე სეზონით დაგვირგვინდება. როგორც მეოთხე სეზონი, ისიც რამდენიმე ნაწილად გამოვა. პირველი ნაწილის ნახვას 26 ნოემბერს შევძლებთ, მეორე ნაწილს 25 დეკემბერს, ხოლო ფინალურ ეპიზოდს — ახალი წლის ღამეს.

თუ სერიალებს თვალს აქტიურად ადევნებ, არ დაგავიწყდეს, შემოიხედო ჩვენს ჯგუფშიც – ერთი სერიაც და…

ბოლო ამბები:

გირჩევთ