"ევროკავშირს აქვს პასუხისმგებლობა, დაეხმაროს კანდიდატ სახელმწიფოებს ევროპულ გზაზე" – ამის შესახებ გაფართოების საკითხებში უმაღლესმა წარმომადგენელმა, მარტა კოსმა "ევრონიუსთან" განაცხადა.

"როდესაც დიდმა ბრიტანეთმა გადაწყვიტა რეფერენდუმის ჩატარება, ევროკავშირის მიდგომა მდგომარეობდა იმაში, რომ ეს ბრიტანეთის შიდა საქმეებს ეხებოდა და ჩვენ მასში ვერ ჩავერეოდით, ჩვენ ისიც კი არ გვითქვამს: გთხოვთ, იქნებ დარჩეთ? ჩვენ არ დავეხმარეთ საქართველოს, სადაც უკვე ვიცოდით, რომ იყო დიდი რუსული ჩარევა. როგორც კი ქვეყანა იღებს კანდიდატის სტატუს, ისიც ჩვენი პასუხისმგებლობაა, რომ დავეხმაროთ მას ევროპულ გზაზე", – თქვა ევროკომისარმა მარტა კოსმა.

ამ გამოცდილებებზე დაყრდნობით, კომისრის თქმით, 2025 წლიდან ევროკავშირი პრაქტიკულად ცვლის საკუთარ მიდგომებს გაფართოების საკითხებსა და სტრატეგიულ კომუნიკაციებთან დაკავშირებით.

კომისრის თქმით, ამ გუნდმა ეფექტურად იმუშავა მოლდოვის რესპუბლიკის საპარლამენტო არჩევნებისას, რაც მისი პირველი წარმატებული გამოცდილება იყო. მარტა კოსის განმარტებით, რუსეთის დეზინფორმაციული ნარატივებით დიდი ზიანი უკვე მიღებულია, თუმცა ამ ნარატივების დამუშავებისა და შესწავლის შემდეგ ევროკავშირი პირობას დებს, რომ რუსეთზე უკეთესად იმუშავებს. თავად ევროკომისია კანდიდატი ქვეყნების პროგრესის შეფასებას უკვე მომდევნო კვირას წარადგენს.