"ოცნების" პარლამენტის წევრი ბეჟან წაქაძე ამბობს, რომ "ოცნების" ხელისუფლება ქვეყნის ევროკავშირში გასაწევრიანებლად ყველაფერს აკეთებს და "ევროპაში ჩვენნაირი ქვეყანა ჯერ არ არის".

"ჩვენ ყველა ჩვენი მოქმედებით, ყველა ჩვენი მიღებული კანონით, ეკონომიკური ზრდით და ყველა იმ პარამეტრით, რაც საჭიროა ევროკავშირში მისაღებად, ჩვენ ამას ვახორციელებთ. ამიტომ ჩვენ, 2030 წლამდე, როგორც ითქვა, რომ არ არის ევროპის კარი ღია და არავის არ იღებენ, 2030 წლისთვის ჩვენი ქვეყანა აბსოლუტურად მზად იქნება და გაცილებით უფრო ძლიერი იქნება, ვიდრე დღეს არის. [...] მსოფლიოში ერთ-ერთი პირველი ვართ, ევროპაში ჩვენნაირი ქვეყანა ჯერ არ არის, მე არ ვადარებ კანდიდატ ქვეყნებს, კანდიდატ ქვეყნებზე 10 თავით მაღლა ვართ", — განაცხადა ბეჟან წაქაძემ "ტვ პირველის" ჟურნალისტთან საუბრისას.