ფინანსისტ ნიკა შურღაიას, რომელიც პოლიციამ 22 ოქტომბერს გზის გადაკეტვის ბრალებით დააკავა, 14-დღიანი პატიმრობა შეეფარდა.

23 ოქტომბერს თბილისის საქალაქო სასამართლოში "გზის გადაკეტვის" ბრალდებით დაკავებული 17 პირის საქმე განიხილეს და აქედან 11-ს პატიმრობა შეუფარდეს, მათ შორისაა ექიმი ვაჟა გაფრინდაშვილი, რომელსაც 7-დღიანი პატიმრობა შეუფარდეს. დანარჩენი 6-ის სასამართლო სხდომები გადაიდო.

რაც შეეხება ნიკა შურღაიას, ის 2021-2023 წლებში ის "პაშა ბანკის" დირექტორთა საბჭოს თავმჯდომარე და გენერალური დირექტორი;

2005-2008 წლებში — ლონდონში, EBRD-ის საფინანსო ინსტიტუტების ჯგუფში ძირითადი ბანკირი;

ნიკა შურღაია 2008-2009 წლებში თბილისში, VTB ბანკის გენერალური დირექტორის თანამდებობაზე მუშაობდა; ხოლო 2009-2011 წლებში მას მინსკის Belarusky Narodny Bank-ის აღმასრულებელი თავმჯდომარის და საქართველოს ბანკის გენერალური დირექტორის მოადგილის პოზიციები ეკავა.

ნიკა შურღაია 2012-2014 წლებში ბაქოში, Rabitabank-ის გამგეობის თავმჯდომარე იყო, ხოლო 2016-2020 წლებში — Yelo Bank-ის.