შსს-მ აქციაზე გზის გადაკეტვისა და ნიღბის ტარების საბაბით ადმინისტრაციული დაკავებები განაახლა. დააკავეს "ფორმულას" ჟურნალისტი ქეთა ციცქიშვილი.

"ჩემამდეც მოვიდნენ. მომაკითხეს მილიციელებმა. რომ ჰგონიათ ან მე შემეშინდება, ან ჩემი ოჯახის რომელიმე წევრს, ან ჩემს რომელიმე მეგობარს. ბოლოს მაინც ჩვენ მოვიგებთ. ქართული ოცნება, რუსებო! დე, მა, ბებო/ბაბუ, არ ინერვიულოთ", – დაწერა ჟურნალისტმა სოციალურ ქსელში.

დაკავების შესახებ დაწერა მოქალაქე თამარ თოთლაძემ.

აქტივისტ თემო სარალიძეს მოსამართლე ზვიად ცეკვავამ 6-დღიანი ადმინისტრაციული პატიმრობა უკვე შეუფარდა. მანამდე მისმა დამ, თეონა სარალიძემ გაავრცელა ინფორმაცია, რომ თემო სარალიძე დღეს დილით დააკავეს. მას აქციაზე სახის დაფარვას ედავებოდნენ.

დღეს საკუთარ სახლთან დახვდნენ და ნიღბის ტარებისთვის დააკავეს ნინო ბერუაშვილი. მისი სასამართლო ამ წუთებში მიმდინარეობს. ნინო ბერუაშვილს განაჩენს მოსამართლე მანუჩარ ცაცუა გამოუტანს.

18 ოქტომბერს მიმდინარე საპროტესტო აქციის ფარგლებში, ადმინისტრაციული სამართალდარღვევათა კოდექსის შესაბამისად ჯერ 14 პირი დააკავეს. ოცნების ხელისუფლების შინაგან საქმეთა მინისტრის მოადგილემ, ალექსანდრე დარახველიძემ ბრიფინგზე განაცხადა, რომ 27 პირია იყო იდენტიფიცირებული და დანარჩენი 13-ის მიმართ ადმინისტრაციული საქმის წარმოება მიმდინარეობდა. დღეს დაკავებულები სწორედ ამ 13 პირს შორის არიან.