პალესტინურმა მოძრაობა ჰამასმა, სამშვიდობო შეთანხმების ფარგლებში ისრაელს, დარჩენილი 20 მძევალი გადასცა. ისინი ისრაელის მხარეს წითელი ჯვრის წარმომადგენლებმა 13 ოქტომბრის დილით ორ ეტაპად გადასცეს: ჯერ შვიდი მათგანი გადაიყვანეს ღაზას სექტორიდან, შემდეგ კიდევ — 13.

ისრაელსა და ჰამასს შორის სამშვიდობო შეთანხმების პირველი ფაზის ფარგლებში, დღეს კიდევ 28 მძევლის ნეშტის გადმოცემაა მოსალოდნელი.

ცეცხლის შეწყვეტა და მძევლების გათავისუფლება შეერთებული შტატების შუამავლობით მიღწეული შეთანხმების შედეგია. პრეზიდენტი დონალდ ტრამპი ისრაელში ჩავიდა. ის ეგვიპტეში ახლო აღმოსავლეთის სამშვიდობო სამიტზე დასწრებამდე, ისრაელის ქნესეთში, ანუ პარლამენტში, სიტყვით გამოვა.

ტრამპის გარდა, ეგვიპტის პრეზიდენტი აბდელ ფატაჰ ელ-სისი, ბრიტანეთის პრემიერმინისტრი კირ სტარმერი, გერმანიის კანცლერი ფრიდრიხ მერცი და კანადის პრემიერმინისტრი მარკ კარნი იმ 20 სახელმწიფოს მეთაურს შორის არიან, რომლებიც ეგვიპტეში დღევანდელ სამიტს დაესწრებიან.