გორის ნაფიც მსაჯულთა სასამართლომ ტყის მცველის განზრახ მკვლელობაში ბრალდებული ერთხმად სცნო დამნაშავედ. მკვლელობაში ბრალდებულს 18 წლით თავისუფლების აღკვეთა მიუსაჯეს

პროკურატურის თქმით, 2017 წლის 25 თებერვალს ორი პირი ხოვლის ტყეში უკანონოდ ჭრიდა ხე-ტყეს, რასაც ტყის მცველი შეესწრო. უწყების განცხადებით, ტყის მცველმა სამართალდარღვევაზე რეაგირება სცადა რა დროსაც ერთ-ერთმა პირმა ხის მორი რამდენჯერმე ჩაარტყა თავში. ბრალდებული ადგილიდან მიიმალა, ხოლო მიღებული დაზიანებით ტყის მცველი ადგილზე გარდაიცვალა.

გამოძიება სისხლის სამართლის კოდექსის 109-ე მუხლის მესამე ნაწილის "ვ" ქვეპუნქტით მიმდინარეობდა, რაც გულისხმობს განზრახ მკვლელობას სამსახურებრივი მოვალეობის შესრულებასთან დაკავშირებით.