საქართველოს ბანკი ციფრული სერვისების განვითარებასა და რეგიონებში სამომხმარებლო გამოცდილების გაუმჯობესებას აქტიურ რეჟიმში განაგრძობს. სწორედ ამ მიზნით, საქართველოს ბანკის მობილბანკს კიდევ ერთი სიახლე დაემატა — აპლიკაციაში ზუგდიდი მოლის ციფრული სასაჩუქრე ბარათების შეძენა უკვე შესაძლებელია.

სასაჩუქრე ბარათის გაგზავნა მობილბანკიდან მომენტალურადაა შესაძლებელი და ამისთვის მხოლოდ ადრესატის მობილურის ნომრის მითითებაა საჭირო. მომხმარებელს ასევე შეუძლია, პერსონალურად შეარჩიოს ბარათის დიზაინი და დაამატოს მისალოცი ტექსტი, რითიც კიდევ უფრო განსაკუთრებულია საჩუქარი.

აღსანიშნავია, რომ ვაუჩერის გამოყენება შესაძლებელია ზუგდიდი მოლში მდებარე ყველა ობიექტში.

“მობილბანკში ციფრული სასაჩუქრე ბარათების არჩევანი იზრდება. ჩვენი მიზანია, მომხმარებლებს სწრაფი, მარტივი და მრავალფეროვანი ციფრული სერვისები და პროდუქტები შევთავაზოთ. ზუგდიდი მოლის ციფრული ბარათის ინტეგრაციით, მომხმარებლებს შესაძლებლობას ვაძლევთ, საყვარელ ადამიანებს მრავალფეროვანი არჩევანი შესთავაზონ. რაც მთავარია, ჩვენ არ ვჩერდებით და რეგიონში კიდევ არაერთ შესაძლებლობას შევთავაზებთ ჩვენს მომხმარებლებს.“ — აცხადებენ საქართველოს ბანკში.

ბარათის დამატება ციფრულ საფულეშია (Wallet) შესაძლებელი. მომხმარებელი ბარათის გაგზავნას ნებისმიერ ადამიანთან შეძლებს, იმის მიუხედავად, სარგებლობს თუ არა იგი საქართველოს ბანკის მობილბანკით.

გადმოწერე მობილბანკი და გააგზავნე ზუგდიდი მოლის ციფრული სასაჩუქრე ბარათები მარტივად.