მარნეულის მუნიციპალიტეტის სოფელ ყიზილაჯლოში კაცი ცეცხლსასროლი იარაღიდან დაჭრეს. ინფორმაციას NEWS.On.ge-ს შინაგან საქმეთა სამინისტროში უდასტურებენ. შემთხვევა 21 სექტემბერს ღამის საათებში მოხდა.

რადიო "მარნეულის" ინფორმაციით, დაშავებული სამედიცინო დაწესებულებაში თავად დამნაშავემ მიიყვანა.

როგორც უწყებაში გვითხრეს, მომხდარზე გამოძიება სისხლის სამართლის კოდექსის 117-ე მუხლის პირველი ნაწილით მიმდინარეობს, რაც ჯანმრთელობის განზრახ მძიმე დაზიანებას გულისხმობს.