ერთიანი ნაციონალური მოძრაობის ერთ-ერთი ლიდერის ლევან ხაბეიშვილის ადვოკატმა, ლაშა ტყეშელაძემ მისი დაცვის ქვეშ მყოფის საპატიმროში მონახულების შემდეგ განცხადება გააკეთა. მისი თქმით, ხაბეიშვილი საბრძოლო განწყობაზეა და ყველას მოუწოდებს ბრძოლა გააგრძელონ. მისივე თქმით, აპირებენ საქმის სამართლებრივი ნაწილის გასაჩივრებას

"ძალიან მხნედ არის [ლევან ხაბეიშვილი], ძალიან საბრძოლო განწყობაზეა და ყველას მოუწოდებს, რომ იბრძოლონ და ბოლომდე მიჰყვნენ, რადგან მისი დაკავება ნიშნავს, რომ ივანიშვილის რეჟიმს ეშინია, სუს-ს ეშინია და ქართულმა საზოგადოებამ უნდა გაიმარჯვოს.
რაც შეეხება სამართლებრივ ნაწილს, ჩვენ, რა თქმა უნდა, გავასაჩივრებთ, მაგრამ იმის რწმენა კი არ გვაქვს, რომ ქართული სასამართლო აქ რამე სამართალს მიიღებს, არამედ გვინდა, რომ ევროსასამართლოში წავიღოთ აღნიშნული გადაწყვეტილება, რადგან ისტორიისთვის აუცილებელია ნამდვილი სიმართლე დოკუმენტურადაც იყოს აღნიშნული. საქართველოს ისტორიას არ ახსოვს, პოლიტიკოსი დაეკავებინოთ სიტყვის გამო. საქართველოს ისტორიას არ ახსოვს, პოლიტიკოსი დაეკავებინოთ პოლიტიკური განცხადების გამო. საჯარო განცხადებებია მხოლოდ, სხვა არავითარი მტკიცებულება არ არის. პროკურატურამ დღეს პოლიტიკურად ლევან ხაბეიშვილი დააკავა მხოლოდ სიტყვის გამო. სიტყვა არის ძალა, რომელიც ლევან ხაბეიშვილს უნდათ, რომ შეუზღუდონ", — განაცხადა ლაშა ტყეშელაძემ.

ლევან ხაბეიშვილის უფლებადამცველის თქმით, არ არის ცნობილი შეუზღუდა თუ არა ბრალდების მხარემ კომუნიკაცია პოლიტიკოსს.

"სამართლებრივად ახლა ჩვენთვის ცნობილი არ არის ბრალდების მხარემ შეუზღუდა თუ არა კომუნიკაცია. ველოდებით, დღეს ან ხვალ გვეცოდინება, მაგრამ მე იმედი მაქვს, რომ ბრალდების მხარე კომუნიკაციას არ შეუზღუდავს ბატონ ლევანს, რადგან ესეც ერთ-ერთი უკანონობა იქნება, იმიტომ, რომ არ არის საჭირო, რომ აღნიშნული შეზღუდვები იყოს დაწესებული სამართლებრივად. აქედან გამომდინარე, ველოდებით ახლა რა გადაწყვეტილებას მიიღებს", — თქვა უფლებადამცველმა.

ლაშა ტყეშელაძემ იმ სპეცრაზმელებზეც ისაუბრა, რომლებმაც ჩვენება ლევან ხაბეიშვილის წინააღმდეგ მისცეს და აღნიშნა, რომ მათ არავითარი სამართლებრივი არგუმენტაცია არ აქვთ.

"სასაცილოა. რა უნდა ვისაუბროთ სპეცრაზმელებზე. არავითარი სამართლებრივი არგუმენტაცია მათ არ აქვთ. თითქოს რაღაც შეურაცხყოფად აღიქვეს, ეს შეურაცხყოფად, რა თქმა უნდა, სისხლის სამართლის დანაშაული არ არის და მე კიდევ ერთხელ განვმეორდები, აი, მაგ სპეცრაზმელებმა ის შეურაცხყოფა არ აღიქვეს, ახალგაზრდა ადამიანებს რომ სცემდნენ?სტუდენტებს რომ სცემდნენ? ლევან ხაბეიშვილს რომ ფიზიკურად გაუსწორდნენ და სიკვდილამდე რომ მიიყვანეს, ისე რომ სცემეს და ღმერთმა რომ გადაარჩინა? ეს თქვენთვის არ იყო შეურაცხყოფა?, — განაცხადა ლევან ხაბეიშვილის ადვოკატმა ლაშა ტყეშელაძემ "ტვ პირველთან" საუბრისას.

ცნობისთვის, სუს-მა ენმ-ის ლიდერი ლევან ხაბეიშვილი საჯარო მოხელისთვის ქრთამის შეთავაზების ბრალდებით დააკავა. უწყება ხაბეიშვილს ერთ-ერთი ტელეკომპანიის ეთერში გაკეთებული განცხადების გამო ედავება, სადაც ოპოზიციური ლიდერი სამართალდამცავებს მმართველი პარტიის მითითებების არ შესრულებისკენ მოუწოდებს და სანაცვლოდ 200 000 დოლარს ჰპირდება.

უწყებამ ასევე აღნიშნა, რომ ხაბეიშვილი ამ განცხადებებს სისტემატურად ავრცელებდა და ამბობდა, რომ "ნებისმიერი მეთოდი უნდა იყოს გამოყენებული ხელისუფლების შესაცვლელად". ოპოზიციონერ ლიდერს სისხლის სამართლის კოდექსის 339-ე მუხლის მეორე ნაწილით ედავებიან, რაც 4-დან 7 წლამდე პატიმრობას ითვალისწინებს. მოსამართლე