ევრობარომეტრი ევროკავშირის გაფართოებასთან დაკავშირებით კვლევას აქვეყნებს. კვლევის მიხედვით, ყველა აუცილებელი კრიტერიუმის დაკმაყოფილების შემთხვევაში, საქართველოს ევროკავშირში გაწევრიანების მომხრე ევროკავშირის 27 წევრი ქვეყნის მოსახლეობის 46%-ია, წინააღმდეგი — 43%.

ევრობარომეტრის კვლევაში მოცემულია ევროკავშირის თითოეულ ქვეყანაში ჩატარებული კვლევის შედეგებიც. კრიტერიუმის დაკმაყოფილების შემთხვევაში, საქართველოს ევროკავშირში გაწევრიანების მომხრეთა ყველაზე მაღალი მაჩვენებელი შემდეგ ქვეყნებში დაფიქსირდა:

შვედეთი — 71%,
ლიეტუვა — 62%,
ლატვია — 62%,
დანია — 61%,
კვიპროსი — 58%,
ხორვატია — 57%,
სლოვაკეთი — 57%,
უნგრეთი — 57%,
ესპანეთი — 56%,
საბერძნეთი — 54%,
ნიდერლანდები — 52%,
პორტუგალია — 51%.

კრიტერიუმის დაკმაყოფილების შემთხვევაში, საქართველოს ევროკავშირში გაწევრიანებას ყველაზე მეტი მოწინააღმდეგე შემდეგ ქვეყნებში ჰყავს:

ავსტრია — 64%, (მომხრე 29%)
ჩეხეთი — 61%, (მომხრე 29%)
გერმანია — 53%, (მომხრე 37%)
იტალია — 49%, (მომხრე 45%)
საფრანგეთი — 48%, (მომხრე 36%).

კვლევაში ასევე აღნიშნულია, რომ ზოგადად ევროკავშირის გაფართოებას 27 ქვეყნის მოქალაქეთა 56% უჭერს მხარს.