კატალონიის რეფერენდუმი დაპირისპირების ფონზე მიმდინარეობს. ესპანეთის პოლიცია საარჩევნო უბნებში შევიდა, დაიკავა საარჩევნო ყუთები და ამომრჩეველს ბიულეტენები ჩამოართვა.

ბარსელონის მერის მოადგილის განცხადებით, პოლიციამ ამომრჩეველს რეზინის ტყვიები დაუშინა მაშინ, როდესაც ისინი ხმის მიცემას ცდილობდნენ. ადგილობრივი მედიის ინფორმაციით, დაშავებულია 38 ადამიანი.

ჟირონას საარჩევნო უბანში, სადაც ხმა კატალონიის პრეზიდენტს კარლოს პუჩდემონის უნდა მიეცა, პოლიციამ ფანჯარა ჩატეხა და შენობაში შევიდა. პუჩდემონიმ ხმა სხვა საარჩევნო უბანზე მისცა.

პოლიცია მოსახლეობას ბიულეტენებს ართმევს. კატალონიის ხელისუფლება ამომრჩევლებს მოუწოდებს, რომ ბიულეტენის ელექტრონული ფორმა სახლში ამობეჭდონ და უბნებზე ისე მივიდნენ.

დღეს კატალონიაში ესპანეთიდან გამოყოფის რეფერენდუმი ტარდება. მადრიდი რეფერენდუმს ლეგიტიმურად არ მიიჩნევს. კენჭისყრამდე რამდენიმე საათით ადრე საარჩევნო უბნებთან მოქალაქეები რიგებს იკავებდნენ და კარვებს შლიდნენ.