რუსეთის შეტევის შედეგად კიევში ევროკავშირის წარმომადგენლობის შენობა დაზიანდა. ამის შესახებ ევროკომისარმა გაფართოების საკითხებში, მარტა კოსმა X-ზე დაწერა. მისი თქმით, რუსეთის ეს ქმედება არის ნიშანი იმისა, რომ ის უარს ამბობს მშვიდობაზე და ტერორს ირჩევს.

"დღეს რუსეთის დარტყმების შედეგად კიევში ევროკავშირის წარმომადგენლობის შენობა დაზიანდა.

მკაცრად ვგმობ ამ სასტიკ თავდასხმებს — ეს არის ნათელი ნიშანი იმისა, რომ რუსეთი უარს ამბობს მშვიდობაზე და ირჩევს ტერორს.

სრული სოლიდარობა გვაქვს ევროკავშირის თანამშრომლებს, მათ ოჯახებს და ყველა უკრაინელს, ვინც ამ აგრესიას იტანს", — დაწერა მარტა კოსმა.