საქართველოს ჟურნალისტური ეთიკის ქარტიის საბჭოს გადაწყვეტილებით, გაზეთ ასავალ-დასავალის ჟურნალისტმა, დიტო ჩუბინიძემ დაარღვია ქარტიის პირველი (სიზუსტე), მეშვიდე (დისკრიმინაცია) და მერვე (ბავშვის ინტერესი) პრინციპები.

"ეს მოხდა ხობის N2 ე.წ. მომავლის სკოლაში, რომელიც თავის დროზე სააკაშვილმა გახსნა"; "ხობის #2 სკოლაში ლგბტ კლიპთან დაკავშირებული სკანდალი გრძელდება" - ეს ჟურნალისტის ის სადავო სტატიებია, რომლებიც ხობის მეორე საჯარო სკოლის მოსწავლეების მიერ შექმნილ ვიდეოს ეხებოდა.

საქმის განხილვას ესწრებოდა სკოლის დირექტორი და მოსწავლეები. მოპასუხე ჟურნალისტი სხდომას არ დასწრებია და არც შეპასუხება წარმოუდგენია.