უკრაინის პრეზიდენტი ვოლოდიმირ ზელენსკი, უკრაინის დამოუკიდებლობის დღესთან დაკავშირებით, აშშ-ის პრეზიდენტ დონალდ ტრამპის მისალოც წერილს X-ზე აქვეყნებს.

ტრამპი მისალოც წერილში წერს, რომ "უკრაინის ხალხს ურყევი სული აქვს და მათი გამბედაობა ბევრისთვის შთაგონების წყაროა".

"უკრაინის ხალხს ურყევი სული აქვს და თქვენი ქვეყნის გამბედაობა ბევრისთვის შთაგონების წყაროა. ამ მნიშვნელოვან დღეს აღნიშვნისას, იცოდეთ, რომ შეერთებული შტატები პატივს სცემს თქვენს ბრძოლას, პატივს სცემს თქვენს მსხვერპლს და სჯერა თქვენი მომავლის, როგორც დამოუკიდებელი ერის", — ნათქვამია ტრამპის მილოცვაში.

ამერიკის პრეზიდენტი წერს, „შეერთებული შტატები მხარს უჭერს მოლაპარაკებების გზით მიღწეულ შეთანხმებას, რომელიც გამოიწვევს ხანგრძლივ, მტკიცე მშვიდობას, რომელიც დაასრულებს სისხლისღვრას და უზრუნველყოფს უკრაინის სუვერენიტეტსა და ღირსებას“.

ზელენსკი სოციალურ ქსელში მადლობას უხდის დონალდ ტრამპს მილოცვისთვის.

"ჩვენ ვაფასებთ თქვენს თბილ სიტყვებს უკრაინელი ხალხისადმი და მადლობას ვუხდით ამერიკის შეერთებულ შტატებს უკრაინის გვერდით დგომისთვის, ყველაზე ძვირფასის - დამოუკიდებლობის, თავისუფლებისა და გარანტირებული მშვიდობის დასაცავად. დარწმუნებულები ვართ, რომ ერთობლივი ძალისხმევით შეგვიძლია ამ ომის დასრულება და უკრაინისთვის რეალური მშვიდობის მიღწევა", — წერს უკრაინის პრეზიდენტი ვოლოდიმირ ზელენსკი და აშშ-ს პრეზიდენტის, დონალდ ტრამპის მისალოც წერილს აქვეყნებს.