ოკუპირებულმა აფხაზეთმა რუსულ მხარეს თურქეთის სამი მოქალაქე გადასცა, რომლებიც ინტერპოლით იძებნებოდნენ, — ამის შესახებ ინფორმაციას, თვითგამოცხადებული რესპუბლიკის სახელმწიფო უსაფრთხოების სამსახურის პრესსამსახურზე დაყრდნობით, ეხო კავკაზა ავრცელებს.

გამოცემის ცნობით, აფხაზეთში დაკავებულები არიან: 2000 წელს დაბადებული სალდიზ მეტინი, 1997 წელს დაბადებული გურენ სელჩუკი და 1988 წელს დაბადებული დემიროზ უღური. უწყების მიერ გავრცელებულ განცხადებაში ვკითხულობთ, რომ დაკავებულები "თურქეთში მოქმედი ტრანსნაციონალური კრიმინალური ჯგუფის წევრები არიან და მძიმე და განსაკუთრებით მძიმე დანაშაულების ჩადენაში არიან ეჭვმიტანილნი."

ოკუპირებულ აფხაზეთში მათ ბრალი ენგურის ხიდის გვერდის ავლით დე ფაქტო საზღვრის უკანონო გადაკვეთის გამო ჰქონდათ წარდგენილი.

გალის ე.წ. სასამართლოს გადაწყვეტილებით, "ზემოხსენებული მოქალაქეები გასამართლდნენ, შემდგომ დეპორტირდნენ ოკუპირებული აფხაზეთის რესპუბლიკის ტერიტორიიდან და საერთაშორისო თანამშრომლობის ფარგლებში რუსულ მხარეს გადაეცნენ."

ეხო კავკაზას ინფორმაციით, მიმდინარე წელს სოხუმში რამდენჯერმე გავრცელდა ინფორმაცია უცხო ქვეყნების, მათ შორის თურქეთისა და აზერბაიჯანის მოქალაქეთა დაკავების შესახებ.