"ისინი [რუსები] აქ მშვიდობისმყოფელებად მოვიდნენ და მადლობა ღმერთს, რომ ასე მოიქცნენ", — ამის შესახებ გორის საკრებულოს თავმჯდომარემ ქართული ოცნებიდან დავით რაზმაძემ New York Times-თან ინტერვიუში განაცხადა. მისი თქმით, "მიშას ხულიგნები მთელ ქალაქს ძარცვავდნენ".

"ისინი [რუსები] აქ მშვიდობისმყოფელებად მოვიდნენ და მადლობა ღმერთს, რომ ასე მოიქცნენ, რადგან მიშას ხულიგნები მთელ ქალაქს ძარცვავდნენ. მათ მღვდლის მანქანაც კი მოიპარეს, წარმოგიდგენიათ? რუსები რომ არ მოსულიყვნენ, ვინ იცის, კიდევ რამხელა ზიანს გამოიწვევდნენ", — აცხადებს დავით რაზმაძემ New York Times-თან (კომენტარს "ნეტგაზეთი" ავრცელებს).

დავით რაზმაძე გამოცემასთან საუბრისას 2008 წლის ომში მიხეილ სააკაშვილს ადანაშაულებს.

"ეს ყველაფერი მიშას ბრალი იყო. ის შეგნებულად წავიდა პროვოკაციაზე", — განაცხადა რაზმაძემ.

გორის საკრებულოს მოქმედი თავმჯდომარემ ისიც თქვა, რომ საქართველო ევროკავშირის ნაწილი გახდეს.

"პირადად მე არ მინდა ევროკავშირის ნაწილი გავხდე და მათ გვითხრან, რა ვქნათ. როგორც საბჭოთა კავშირი დაინგრა, ახლა მინდა ვნახო ევროკავშირის დაცემა, რადგან ის ჩვენს წინააღმდეგაა", — ამბობს დავით რაზმაძე.