ექსპერტიზის დასკვნით, ირაკლი მიმინოშვილისა და თორნიკე გოშაძის წინააღმდეგ პროკურატურის ვიდეომტკიცებულებები დამონტაჟებულია და რამდენიმე გრძელი კადრის გადაბმას წარმოადგენს.

ადვოკატმა ნინო ლომინაძემ მოითხოვა, საქმეს დართვოდა სამხარაულის ექსპერტიზის ბიუროდან მიღებული ექსპერტიზის დასკვნები, ხოლო ამ ექსპერტიზის ჩამტარებლები დაკითხულიყო.

"რადიო თავისუფლებას" ცნობით, ნინო ლომინაძემ ექსპერტიზა დანიშნა იმ ვიდეოებზე, რომლებიც თორნიკე გოშაძისა და ირაკლი მიმინოშვილის წინააღმდეგ საქმეში დევს.

ექსპერტიზამ აჩვენა, რომ ვიდეოები დამონტაჟებულია და რამდენიმე გრძელი კადრის გადაბმას წარმოადგენს.

პროკურატურამ უდავოდ გახადა ამ ექსპერტიზის შედეგის შინაარსი, ეს ნიშნავს, რომ დაეთანხმა ექსპერტიზის დასკვნის შინაარს.

ადვოკატი, წინააღმდეგი არაა, რომ მისი ჩატარებული ექსპერტიზა საქმეში მოხვდეს, როგორც "უდავო".

"ადვოკატმა ექსპერტიზის ეროვნულ ბიუროში ორი კითხვა გაგზავნა, ვიდეოებთან ერთად:

1. არის თუ არა წარდგენილი ვიდეომასალა უწყვეტი?

2. ვიდეომასალაზე არის თუ არა მონტაჟის კვალი?

ექსპერტიზის შედეგების თანახმად, ვიდეო არ არის უწყვეტი და დამონტაჟებულია. ამ შემთხვევაში მონტაჟში, სამხარაულის ექსპერტიზის ეროვნული ბიურო, რომელიც დასკვნის ავტორია, გულისხმობს "დამოუკიდებელი გამოსახულებების გადაბმას", — ვკითხულობთ სასამართლოს სხდომიდან "რადიო თავისუფლების" ბლოგზე.