დაპატიმრებულმა პედაგოგმა და აქტივისტმა, ნინო დათაშვილმა სასამართლოს სიტყვით მიმართა და თქვა, რომ ფსიქიატრიული ექსპერტიზა ამ ფორმით, წამებასთან გათანაბრებული იძულებითი ექსპერიმენტია.

"განჩინება რომ მომიტანეს, ეს დამოუკიდებელი სასამართლოს ისტორიაში სამარცხვინო ფურცელია. სასამართლოში მონაწილეობის უფლებაც კი არ მომცეს. ეს არის რეპრესია ჩემზე და ადვოკატებზე. ახლაც, რომ მოვდიოდი, მითხრეს, რომ თითქოს ჩემმა ადვოკატებმა მოითხოვეს ფსიქიატრიული ექსპერტიზა. ეს წამებასთან გათანაბრებული იძულებითი ექსპერიმენტია. ჩემი ყველა უფლება დაირღვა. ეს არაკომპეტენტურობაა. დაგუგლვა შეიძლება, რა არის ემოციური ლაბილობა. რაც გააკეთეთ, არის, რომ საბჭოთა კოშმარი გაუცოცხლეთ ხალხს და სტიგმა გაუძლიერეთ.

კვლევას ვითხოვ ციხეში შესვლის დღიდან, რადგან გაუსაძლისი ტკივილი მაქვს. მაგრამ არც კი გამომკითხეს.

10 აგვისტოს მიტარებენ და შეადარონ წინა კვლევასო. მანდატურებისგან დაზიანებები მივიღე და გამიუარესდა," —თქვა ნინო დათაშვილმა.

ცნობისთვის, ნინო დათაშვილი "საჯარო მოსამსახურეზე განხორციელებული თავდასხმის ბრალდებით" 20 ივნისს დააკავეს. მანდატურზე თავდასხმის ფაქტზე ბრალდებულ ნინო დათაშვილს აღკვეთის ღონისძიების სახით პატიმრობა 21 ივლისს შეეფარდა. აქტივისტს სისხლის სამართლის კოდექსის 353-ე სეკუნდა მუხლის მე-3 ნაწილით ედავებიან, რაც 4-დან 7 წლამდე ვადით თავისუფლების აღკვეთას ითვალისწინებს.