თბილისის საერთაშორისო აეროპორტის ახალი ტერმინალი საქართველოს პრემიერ-მინისტრმა, გიორგი კვირიკაშვილმა ოფიციალურად გახსნა. თბილისის საერთაშორისო აეროპორტი ამიერიდან წელიწადში 4 მილიონი მგზავრის მომსახურებას შეძლებს.

მოფრენის ახალი ტერმინალის მშენებლობა ერთი წლის წინ დაიყო და 33 მილიონი დოლარი დაჯდა. მასაქვს ახალი ჩასხდომის ხიდი ორი გასასვლელით, რომელიც ორ თვითმფირნავს ერთდროულად ემსახურება. ასევე ახალ ტერმინალში არის 4 Bus Gate. ჯამში, თბილისის საერთაშორისო აეროპორტს აქვს 5 ჩასხდომის ხიდი და 6 Bus Gate. ტერმინალს აქვს 5 ახალი თვითმფრინავის სადგომი, 5 ბარგის კარუსელი და 250 მანქანაზე გათვლილი ახალი ავტოსადგომი.

პრემიერ-მინისტრის თქმით, ავიაციის განვითარება ხელისუფლების ერთ-ერთი მთავარი პრიორიტეტია, რადგან ავიაბაზრის განვითარება ტურიზმის განვითარების წინაპირობაა. კვირიკაშვილის თქმით, თბილისის საერთაშორისო აეროპორტი ერთ-ერთი ძლიერი მოთამაშეა რეგიონის საავიაციო ბაზარზე:

"ჩვენ დარწმუნებულნი ვართ, რომ წელს ვიზეიმებთ მეშვიდმილიონე ვიზიტორის ჩამოსვლას საქართველოში, ამ მშვენიერ ახალ ტერმინალში. გილოცავთ მეგობრებო დღევანდელ დღეს!"

2017 წლის პირველი ექვსი თვის სტატისტიკური მონაცემების მიხედვით, საქართველოს აეროპორტებში მგზავრთა ნაკადი თითქმის 49%-ით გაიზარდა. ამავე პერიოდში თბილისის საერთაშორისო აეროპორტი 1 287 228 ადამიანს მოემსახურა.