1-ელ ივლისს ევროპის საკითხებში გაერთიანებული სამეფოს სახელმწიფო მინისტრ სტივენ დაუთის ინიციატივით საქართველოში არსებულ მდგომარეობასთან დაკავშირებით საკოორდინაციო შეხვედრა გაიმართა, რომლის შესახებაც ინფორმაციას ევროპის საკითხებში საფრანგეთის მინისტრის ბენჟამინ ჰადადი ავრცელებს.

მისი თქმით, ქართული ოცნების ავტორიტარული გადახრები მიუღებელია. ამის შესახებ მან საკუთარ სოციალურ ქსელში დაწერა.

"ქართული ოცნების ავტორიტარული გადახრები მიუღებელია.

დღეს, პარტნიორებთან ერთად გამართულ საკოორდინაციო შეხვედრაში მივიღე მონაწილეობა, რომელიც სტივენ დაუთის ინიციატივით გაიმართა საქართველოში არსებულ მდგომარეობასთან დაკავშირებით.

ეს კურსი ეწინააღმდეგება ქართველი ერის ევროპულ მისწრაფებებს, და ჩვენ ამას რეაგირების გარეშე არ დავტოვებთ," — დაწერა ბენჟამინ ჰადადმა.