ოცნების პარლამენტის დროებითი საგამოძიებო კომისიის მოთხოვნის შეუსრულებლობის ფაქტზე ბრალდებულ ლელო ძლიერი საქართველოს მეორე ლიდერს, ბადრი ჯაფარიძეს 8 თვით პატიმრობა შეუფარდეს. მოსამართლის გადაწყვეტილებით, მას ასევე აეკრძალა თანამდებობის დაკავება 2 წლის ვადით. ბრალდებული განაჩენის გამოცხადებას არ დასწრებია.

2 საათის წინ ასევე 8-თვიანი პატიმრობა მიესაჯა ლელო ძლიერი საქართველოს კიდევ ერთ ლიდერს. მამუკა ხაზარაძეს.

ბადრი ჯაფარიძეს ბრალი სისხლის სამართლის კოდექსის 349-ე მუხლით ჰქონდა წარდგენილი, რაც "საქართველოს პარლამენტის დროებითი საგამოძიებო კომისიის მოთხოვნის შეუსრულებლობას" გულისხმობს, აღნიშნული ისჯება ჯარიმით, ან თავისუფლების აღკვეთით ვადით ერთ წლამდე, თანამდებობის დაკავების ან საქმიანობის უფლების ჩამორთმევით ვადით სამ წლამდე.