საბრინა კარპენტერის ახალი ალბომი

11 ივნისს პოპ-მუსიკის ერთ-ერთმა უდიდესმა ახალმა ვარსკვლავმა, საბრინა კარპენტერმა თავისი ახალი, რიგით მე-7 სტუდიური ალბომის - Man’s Best Friend-ის გამოსვლის შესახებ გვამცნო. განცხადებასთან ერთად, მან ფანებს ალბომის ყდის ფოტოც გაუზიარა.

ამ ყველაფერს კი მალევე მოჰყვა სოციალური მედიის აფორიაქება. საზოგადოების ნაწილი საბრინას მკაცრად აკრიტიკებს, როგორც ამბობენ "დამამცირებელი" ალბომის ყდისათვის, ნაწილი კი იცავს და ამბობს, რომ ყდა აშკარა სატირას წარმოადგენს.

კარპენტერის სოციალურ მედიაში გამოქვეყნებული ალბომის გარეკანზე გამოსახულია თავად საბრინა, რომელიც მუხლებზე დგას, ხელი კი კაცის ფეხზე უდევს, რომელსაც ხელში მისი თმა უჭირავს. ხოლო მეორე ფოტო, რომელიც მომღერალმა გამოაქვეყნა, როგორც ჩანს, ალბომის ალტერნატიული ყდაა. მასზე გამოსახულია ძაღლი, რომელსაც უკეთია საყელო წარწერით — კაცის საუკეთესო მეგობარი — საბრინას ახალი ალბომის სახელი.

**ალბომის ყდა**

ფოტო: Sabrina Carpenter

**ალბომის ყდა**

ფოტო: Sabrina Carpenter

კრიტიკა

შოტლანდიურმა ორგანიზაციამ — Glasgow Women’s Aid, რომელიც ოჯახში ძალადობის მსხვერპლი ქალების დასახმარებლად მუშაობს, ინსტაგრამის პოსტში გააკრიტიკა საბრინა კარპენტერი და მისი ალბომის ყდას "რეგრესული" უწოდა. ამასთან ერთად, აღნიშნა, რომ ის

აღვიძებს მოძველებულ წარმოდგენებს, რომლებშიც ქალები ცხოველებად, ნივთებად ან საკუთრებად იყვნენ წარმოდგენილნი და მათზე ძალადობისა და კონტროლის იდეის გავრცელებას უწყობს ხელს

The Telegraph-ი კი წერს, რომ კარპენტერის "ზედმეტად სექსუალიზებული და დამამცირებელი ალბომის ყდა უკვე მეტისმეტია". აქვე სტატიის ავტორი აღნიშნავს, რომ მომღერალს ბევრი ახალგაზრდა ფანი ჰყავს და მისი მარკეტინგი "შემაშფოთებელია". საბრინას ინსტაგრამის პოსტზე გვხვდება კომენტარები: "ეს შერცხვენის რიტუალია? რა ჯანდაბაა ეს ყდა"?, "ამიხსენით, ეს კაცების ცენტრში მოქცევა როგორ არ არის? როგორ არ ემსახურება კაცების მზერას"?

საწინააღმდეგო პოზიცია

საბრინას ფანები ამბობენ, რომ მისი ალბომის ყდა სატირულია: "ვდარდობ ხალხის უუნარობაზე, ვერ ხვდებიან რომ ეს ყდა იმაზე აკეთებს კომენტარს, როგორც ექცეოდნენ ქალებს", ვხვდებით პოსტს X-ზე. ფანები ამბობენ, რომ სიმღერაში Manchild საბრინა კაცებს დასცინის, რაც იმის მანიშნებელია, რომ მომავალი ალბომიც სატირული იქნება.

**Manchild Music Video**

ფოტო: Sabrina Carpenter

ბრიტანული გამოცემა Metro-ს რედაქტორი წერს, რომ საბრინამ "იცოდა, რომ მისი პროვოკაციული ალბომის ყდა არ მოგეწონებოდათ, საქმეც ამაშია". ის ამბობს, რომ კარპენტერმა, რომელიც მისი აზრით ნარატივების შექმნის ექსპერტია, "საკუთარი ბრენდი ააგო იმ იდეაზე, რომ მამაკაცები მხოლოდ ფონურ ხმაურს წარმოადგენენ".

უპასუხა თუ არა საბრინამ კრიტიკას?

არა, მას უშუალოდ ალბომის გარეკანის სკანდალზე არ უსაუბრია. თუმცა ჟურნალ Rolling Stone-თან ინტერვიუში უპასუხა კრიტიკას მისი სექსუალური სასცენო იმიჯის შესახებ. საბრინა ამბობს: "თავს ისე ვგრძნობ, თითქოს არასდროს მიცხოვრია ისეთ დროში, როცა ქალებს ამაზე მეტად აკვირდებოდნენ და ყველა მხრივ აკრიტიკებდნენ".

ტურის განმავლობაში სიმღერა Juno-ს შესრულებისას მომღერალი სხვადასხვა სექსუალური პოზიციების იმიტაციას აკეთებს, რასაც ასევე მოჰყვა აზრთა სხვადასხვაობა. "ყოველთვის მეცინება, როცა ხალხი წუწუნებს", ამბობს საბრინა. "Juno-ს პოზიციებზე ბევრად მეტი მომენტია კონცერტზე, მაგრამ