იაპონიის სანაპიროსთან 6,1 მაგნიტუდის სიმძლავრის მიწისძვრა დაფიქსირდა, წერს Independent. აშშ-ის გეოლოგიური სამსახურის თქმით, მიწისძვრა ფუკუსიმასგან აღმოსავლეთით, წყნარ ოკეანეში, დაახლოებით, 320 კილომეტრში მოხდა. გამოცემის ცნობით, ცუნამის შესახებ შეტყობინება ჯერ არ გავრცელებულა.

2011 წლის ცხრა მაგნიტუდის სიმძლავრის დამანგრეველი მიწისძვრის შედეგად წამოსულმა ცუნამიმ ფუკუსიმას ბირთვული ელექტროქარხანა მწყობრიდან გამოიყვანა, რის გამოც მოსახლეობის ევაკუირება გახდა საჭირო. მიწისძვრის შედეგად 16 ათასზე მეტი ადამიანი დაიღუპა.