"ცვლილებების მიზანი არის ის, რომ საგარეო საქმეთა სამინისტრო იყოს უფრო ეფექტიანი", — ამის შესახებ ოცნების ხელისუფლების საგარეო საქმეთა მინისტრმა მაკა ბოჭორიშვილმა განაცხადა. მისი თქმით, უწყებაში განხორციელებული საკადრო ცვლილებების მიზანი "ეროვნული ინტერესების წარმოჩენა და დაცვაა".

"ცვლილებების მიზანი არის ის, რომ საგარეო საქმეთა სამინისტრო იყოს უფრო ეფექტიანი და ამ ცვალებად სამყაროში უფრო კარგად შევძლოთ ჩვენი ეროვნული ინტერესების წარმოჩენა და დაცვა საზღვარგარეთ. ამისთვის გვჭირდება ეფექტიანი აპარატი, რომელიც იქნება ადგილზე, თბილისში, და საელჩოები, რომლებიც დედაქალაქებში განახორციელებენ მუშაობას. ამას, რა თქმა უნდა, სჭირდება იმ რესურსის, რა რესურსიც გვაქვს, უფრო ეფექტიანად გამოყენება და, რა თქმა უნდა, ისეთი სისტემის შექმნა, რომელიც ახალგაზრდა თაობას მისცემს კარგ შესაძლებლობას, კონკურენტუნარიან გარემოში შემოვიდნენ სახელმწიფოს სამსახურში და ემსახურონ საკუთარ სამშობლოს", — თქვა ბოჭორიშვილმა. კომენტარს "პირველი არხი" ავრცელებს.

იხილეთ ასევე: