ბათუმში, საბაგიროსთან, ქვეითად მოსიარულე სამ პირს მსუბუქი ავტომანქანა დაეჯახა. შინაგან საქმეთა სამინისტროში On.ge-ს განუცხადეს, რომ სამივე დაშავებული საავადმყოფოში გადაიყვანეს.

აჭარის ტელევიზიის ინფორმაციით, თვითმხილველების თქმით, მძღოლი გადაჭარბებული სიჩქარით მოძრაობდა.

მომხდარზე გამოძიება სისხლის სამართლის კოდექსის 276-ე მუხლის პირველი ნაწილით მიმდინარეობს, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს, რამაც გამოიწვია ჯანმრთელობის ნაკლებად მძიმე ან მძიმე დაზიანება. დანაშაული ითვალისწინებს თავისუფლების აღკვეთას ორიდან ხუთ წლამდე.