ერაყის შეიარაღებული ჯარები, კოალიციის დახმარებით, სტრატეგიულად უმნიშვნელოვანეს ქალაქ მოსულს შეწუტევენ და იქიდან ISIS-ის გაძევებას ეცდებიან.

ამის შესახებ აშშ-ს არმიის პოლკოვნიკმა კრისტოფერ გრეივერმა პენტაგონში გამართულ პრესკონფერენციაზე განაცხადა. გროვერი ერაყიდან ვიდეო ზარის საშუალებით ჩაერთო თავდაცვის სამინისტროს პრეს-ოთახში და ჟურნალისტების შეკითხვებს უპასუხა.

ქალაქზე შეტევა უახლოეს მომავალში იგეგმება, ოპერაციის თარიღს ერაყის მხარე დაასახელებს და საბრძოლო მოქმედებას სწორედ ისინი უხელმძღვანელებენ.

გრეივერის განცხადებით, ქალაისთვის ბრძოლა დიდი ხანია რაც დაიწყო და კოალიციურმა ჯარებმა ISIS-ს იარაღისა და ფინანსური საცავები, ლიდერები და ქვედანაყოფები გაანადგურეს, მაგრამ მასშტაბური ოპერაცია, რომელიც ქალაქის მთლიანად აღებას ისახავს მიზნად ჯერ დაგეგმვის პროცესშია.