"მივიღეთ პარადოქსი, რომ დღეს, ქუჩაში, ძალადობა ევროკავშირის დროშაში გახვეული დადის", —ამის შესახებ ოცნების პარლამენტის თავმჯდომარემ, შალვა პაპუაშვილმა პარლამენტის საქმიანობის ანგარიშის წარდგენის დროს განაცხადა.

მისი თქმით, "ასეთ ვითარებაში გამარჯვების ფორმულაა ერთობა, სიმტკიცე და რწმენაა".

"ეს პოლარიზაცია ამჯერადაც უცხოეთმა მოგვახვია თავს, მათი კანვასური თუ იუესაიდური პროპაგანდა, სიძულვილი თუ დაკანონებული ძალადობა ლამისაა მთლიანად ევროკავშირთან გაიგივდეს, ხოლო ამ ტრაგიკულ მოცემულობაში სწორედ ევროკავშირის ქვეყნების ზოგიერთ პოლიტიკოსსა და დიპლომატს მიუძღვის პირდაპირი წვლილი. მივიღეთ პარადოქსი, რომ დღეს, ქუჩაში, ძალადობა ევროკავშირის დროშაში გახვეული დადის. ასეთ ვითარებაში გამარჯვების ფორმულაა ერთობა, სიმტკიცე და რწმენა, შენი ქვეყნის, შენი ხალხის, შენი ისტორიის", — თქვა პაპუაშვილმა.

შეგახსენებთ, რომ პაპუაშვილის მიერ პარლამენტის საქმიანობის ანგარიშის წარდგენასთან დაკავშირებით, მისივე ბრძანების საფუძველზე საკანონმდებლო ორგანოში ყვითელი დონე მოქმედებს, ონლაინ მედიას შენობაში არ დაუშვებენ.

პარლამენტის განცხადებით, უსაფრთხოების ყვითელი დონის გამო, შენობაში თითო მაუწყებლიდან მხოლოდ აკრედიტებულ არაუმეტეს ორ ჯგუფს დაუშვებენ.

როგორც პარლამენტი წერს, ამ "ღონისძიების მიზანია საქართველოს პარლამენტის სასახლეში სამუშაო და უსაფრთხო გარემოს უზრუნველყოფა".