პანემის თავგადასავლები ჯერ არ დასრულებულა — შიმშილის თამაშები: განთიადი მოსავალზე მაყურებლის ეკრანებზე მალე გამოჩნდება. ფილმის მთავარი როლის შემსრულებლების ვინაობა უკვე ცნობილია — მე-12 რაიონის შეწირულის, ჰეიმიჩ აბერნეთის როლს ჯოზეფ ზადა შეასრულებს, ხოლო უიტნი პიკი მისი მეგობარი გოგოს, ლენორ დოუვ ბეირდის როლში მოგვევლინება.

Lionsgate-ის ფილმის სიუჟეტი, რომელიც სიუზან კოლინსის ამავე სახელწოდების ბესტსელერ რომანს ეფუძნება, კეტნის ევერდინისა და პიტა მელარკის ისტორიაზე 24 წლით ადრე ვითარდება, ხოლო წიგნში შიმშილის თამაშები: მგალობელი ჩიტებისა და გველების ბალადაზე მოთხრობილი ამბიდან კი — 40 წლის შემდეგ.

ჯოზეფ ზადა

ჯოზეფ ზადა

ფოტო: iMDB

უიტნი პიკი

უიტნი პიკი

ფოტო: Getty Images

ჯოზეფ ზადა და უიტნი პიკი ჰოლივუდის ახალი სახეები იქნებიან — ზადას მალე ნეტფლიქსის ახალ სერიალში, ედემის აღმოსავლეთით, ვიხილავთ, პიკი კი Gossip Girl-ის გაგრძელებიდან და Hocus Pocus 2-დან გვახსოვს.

განთიადი მოსავალზე ეკრანებზე 2026 წლის 20 ნოემბერს გამოვა. ფილმის რეჟისორი ფრენსის ლოურენსი იქნება, რომელმაც 2012 წლის ცეცხლის ალიდან მოყოლებული შიმშილის თამაშების ყველა ნაწილი გადაიღო, სცენარის ავტორი კი ბილი რეი იქნება.

წიგნი შიმშილის თამაშები: განთიადი მოსავალზე 2025 წლის 18 მარტს გამოქვეყნდა და კეტნის ევერდინის მიერ რევოლუციის მოწყობამდე 24 წლით ადრე განვითარებულ მოვლენებზე მოგვითხრობს. წიგნში აღწერილი ამბავი იმ დილით იწყება, როცა 50-ე შიმშილის თამაშებში მონაწილე შეწირულების არჩევა მიმდინარეობს.