მარიო ვარგას ლიოსა, ნობელიანტი პერუელი მწერალი და ინტელექტუალი, მე-20-ე და 21-ე საუკუნის ერთ-ერთი ყველაზე გავლენიანი ლიტერატურული ფიგურა იყო. მისი ნამუშევრების მთავარი თემები ძალაუფლება, სისტემის წინააღმდეგ აჯანყებული ადამიანი, სამოქალაქო თავისუფლება და დიქტატურის თავისებურებებია. მართალია, ლიოსასთვის ლიტერატურა უმთავრესად ბრძოლა იყო ავტორიტარიზმის, სიყალბისა და თვითცენზურის წინააღმდეგ, თუმცა მის ნამუშევრებში ხშირად გვხვდებოდა ფაქიზი სენტიმენტალიზმი და სიყვარულის კომპლექსურობის ნარატივებიც. წარმოგიდგენთ მის 10 გამორჩეულ ციტატას, რომლებიც ყველაზე მძაფრად გამოხატავს ლიოსას სულისკვეთებას:

"სისხლისღვრა სიმართლის სახელით, ღვთის სახელით, სამშობლოს სახელით — ყოველთვის მბრძანებლების საყვარელი თამაშია," — ვაცის ნადიმი

"როგორი განსხვავებაც უნდა იყოს ასაკში, სიყვარული მხოლოდ მაშინაა ხანმოკლე თუკი ლტოლვა მხოლოდ ფიზიკურია. როცა სიახლე იკარგება , როცა ერთმანეთს ეჩვევიან, სიყვარული თანდათან სუსტდება, სქესობრივი ლტოლვა ქრება და ერთად ცხოვრების გაგრძელებას სხვა სულიერი, გონებრივი თუ ზნეობრივი ანდამატი სჭირდება. აი, სწორედ ამ დროს აღარ აქვს მნიშვნელობა ასაკის სხვაობას" — დეიდა ხულია

"მათ დაივიწყეს ძალადობა, მკვლელობები, კორუფცია, ჯაშუშობა, იზოლაცია, შიში: საშინელება მითად ქცეულიყო. ახლა სამსახური ყველას ჰქონდა და დანაშაულიც ნაკლები იყო." ― ვაცის ნადიმი

"რა მოხდება, ამდენი წლის შემდეგ რომ აღმოაჩინო, რომ შენი მიზანსწრაფული, მოწესრიგებული გონების უკან, რომელიც არ ტყდება და არ ნებდება, იმ ციხე-სიმაგრის უკან, სხვები რომ აღმერთებენ და შურთ, სინამდვილეში ფაქიზი, ნაზი, დაჭრილი და სენტიმენტალური გული იმალება?" — ვაცის ნადიმი

"წერის მსგავსად, კითხვაც ცხოვრების არასრულყოფილების წინააღმდეგ მიმართული პროტესტია. როცა ცხოვრების დანაკლისს მხატვრულ ლიტერატურაში ვეძებთ, უთქმელად და გაუაზრებლადაც კი ვაცხადებთ, რომ სიცოცხლე ასეთი ფორმით ვერ აკმაყოფილებს ადამიანის ბუნების საბაზისო მოთხოვნილებას — სრულყოფილებისკენ მისწრაფებას. და ჩვენ ვთხზავთ, რათა როგორმე მოვახერხოთ და რამდენიმე ცხოვრება გამოვცადოთ, მაშინ, როცა ჩვენს ერთ სიცოცხლესაც კი ძლივს განვკარგავთ" — ამონარიდი ნობელის ლექციიდან

"ხალხი მარტივად იჯერებს იმას, რაც შიშს უმაგრებს ზურგს" — ხუთი კუთხე

"მტერს მაშინ ქმნი, როცა ძალაუფლებას დასაბუთება სჭირდება. მტრის გარეშე ხალხი გკითხავს — რატომ გემორჩილებით?" — ხუთი კუთხე

"დიქტატურა იწყება მაშინ, როცა ადამიანები ეჩვევიან სიჩუმეს" — ხუთი კუთხე

"ხანდახან ყველაზე ძლიერი ძალაუფლება ისაა, რომელიც უხილავია – ის, რომელიც რუტინად იქცა" – ქალაქი და ძაღლები

"ხალხი სწავლობს ჩუმად ყოფნას, როცა ხედავს, როგორ ისჯებიან ისინი, ვინც ხმამაღლა ლაპარაკობენ" – ვაცის ნადიმი