ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრმა დავით ბაქრაძემ, დღეს 15 ივნისს გამართულ ბრიფინგზე აღინიშნა, რომ საქართველომ რა თქმა უნდა შეასრულა ყველა წინაპირობა, რომელიც საჭირო იყო ვიზალიბერალიზაციის პროცესისთვის:

"აღინიშნა ის, რომ გერმანიის ფედერაციული რესპუბლიკა სრულად უჭერს მხარს ამ პროცესს და არანაირი შეფერხება გერმანიის მხრიდან არ იქნება. ჩვენ მივიღეთ დამაიმედებელი გზავნილი, რომ ევროპარლამენტის ფარგლებშიც გერმანია გააგძელებს და მხარს დაუჭერს დროულად საკითხის გადაწყვეტას".

დღეს, 15 ივნისს პრემიერი გიორგი კვირიკაშვილი გერმანიის კანცლერს ანგელა მერკელს შეხვდა. მათი შეხვედრის ერთ-ერთი თემა საქართველოსთვის სავიზო ლიბერალიზაციის დაწესება იყო. ანგელა მერკელის განცხადებით, გასულ კვირას სატელეფონო საუბარში მან კვირიკაშვილს უთხრა, რომ გერმანია საქართველოსთვის ვიზალიბერალიზაციას განიხილავს შეჩერების მექანიზმის კონტექსტში. მიისვე თქმით, ევროკომისიამ დაადგინა, რომ საქართველომ შეასრულა ყველა კრიტერიუმი ვიზალიბერალიზაციისთვის, დღეს ლაპარაკია იმაზე, თუ როდის მივიღებთ საბოლოო გადაწყვეტილებას საქართველოსთვის ვიზალიბერალიზაციის მინიჭებაზე.