საია-ს თავმჯდომარე, ნონა ქურდოვანიძე "გრანტების შესახებ" კანონში დაგეგმილ ცვლილებებს ეხმაურება, რომლის მიხედვითაც გრანტის გაცემისა და მიღების მონიტორინგს ანტიკორუფციული ბიურო განახორციელებს.

ქურდოვანიძის თქმით, საკანონმდებლო ცვლილების მიხედვით, ანტიკორუფციული ბიურო გადააქციეს ინდივიდების, მედიებისა და არასამთავრობო ორგანიზაციების მთავარ მაკონტროლებელ და დევნის ორგანოდ.

"ანტიკორუფციული ბიურო, რომელიც შეიქმნა კორუფციის პრევენციისა და მასთან გამკლავების მიზნებისათვის, გადააქციეს ინდივიდების, მედიებისა და არასამთავრობო ორგანიზაციების მთავარ მაკონტროლებელ და დევნის ორგანოდ:

— ის გადაწყვეტს ვინ მიიღოს გრანტი და ვინ არა;

— ის გადაწყვეტს ვინ აღრიცხოს აგენტად და ვინ არა;

— ის შეაგროვებს ასევე მაკულატურას და შეინახავს ნებისმიერ მასალას, რომელიც 2 ადამიანზე მეტთან შეიძლება გაზიარდეს. ამას გააკეთებს 2 ეგზემპლარად.

როგორი დამოუკიდებელია ანტიკორუფციული ბიურო, ეს კარგად გამოჩნდა შარშან, არჩევნების წინ", — წერს ნონა ქურდოვანიძე სოციალურ ქსელში.