თურქეთის სამთო-სათხილამურო კურორტ ულუდაგში მდებარე სასტუმროში გაჩენილი ხანძრის შედეგად, რომელიც იანვარში ტურისტული ლიცენზიის არქონის გამო დაიხურა, 2 ადამიანი დაიღუპა. სასტუმროში სულ 12 ადამიანი იმყოფებოდა. ამის შესახებ Anadolu წერს.

თურქული მედია წერს, რომ თურქეთის სათხილამურო და სნოუბორდის ინსტრუქტორთა ასოციაციის ხელმძღვანელი იაჰია უსტა, მისი ცოლი ფიკრიე და მისი ვაჟი ბერკინ უსტა უგონო მდგომარეობაში იყვნენ, როცა

ცეცხლმოკიდებული შენობიდან გამიყვანეს, მაგრამ ექიმების ყველა მცდელობის მიუხედავად, მათი გადარჩენა ვერ მოხერხდა.

გამომძიებლების თქმით, ოჯახი, რომელიც სასტუმროს უბანში სამთო კურორტს მართავდა, შენობის მე-5 სართულზე ცხოვრობდა. ბურსას პროკურატურამ საექსპერტო კომისიის შექმნის ბრძანება გასცა და შემთხვევის ადგილზე გენერალური პროკურორის მოადგილე და ორი პროკურორი გაგზავნა. ხანძრის გამომწვევ მიზეზებს ხუთი ექსპერტისგან შემდგარი ჯგუფი, მათ შორის მექანიკოსები, ელექტრიკოსები და მეხანძრე-სამაშველო ბრიგადის ოფიცერი გამოიძიებენ.

ხანძრის განგაში ადგილობრივი დროით 05:29 საათზე მიიღეს და ხანძრის ჩაქრობა 3 წუთში დაიწყო. მასში ჩართული იყო 25 ერთეული ტექნიკა და სახანძრო სამსახურის 60 თანამშრომელი, რომლებმაც ჟანდარმერიის ქვედანაყოფებთან და საგანგებო სიტუაციების მართვის სააგენტოსთან (AFAD) კოორდინაციით მოახერხეს ხანძრის ლოკალიზება.