ტერაბანკი სესხებს კიდევ უფრო მეტ თვითდასაქმებულს შესთავაზებს. ამიერიდან სასესხო პროდუქტებით სარგებლობა ოჯახში დამხმარეებსა და დამლაგებლებს, მანიკურისა და პედიკურის სპეციალისტებს, ავტოხელოსნებს, სარემონტო სამუშაოების ხელმძღვანელებს, ხელოსნებსა და კურიერებსაც შეეძლებათ.

ტერაბანკი სხვადასხვა პროფესიის წარმომადგენლებს საშუალებას აძლევს, ისარგებლონ სამომხმარებლო და იპოთეკური სესხებით იმ შემთხვევაშიც, თუ კერძო საქმიანობას ეწევიან და ოფიციალური, დადასტურებული შემოსავალი არ აქვთ.

"ტერაბანკში თვითდასაქმებულების მიერ სესხზე მოთხოვნა სულ უფრო იმატებს. სწორედ მაღალმა მოთხოვნამ გადაგვაწყვეტინა, გაგვეფართოებინა პროფესიების სია. ძალიან მნიშვნელოვანია, ამ ადამიანებს სესხებით სარგებლობა შეეძლოთ, ამიტომ მოხარულები ვართ, რომ ჩვენი სასესხო პროდუქტებით მათთვის ფინანსებზე ხელმისაწვდომობას ვზრდით", — აცხადებენ ტერაბანკში.

ამ დრომდე თვითდასაქმებულებიდან საკრედიტო პროდუქტებით სარგებლობა მხოლოდ ძიძებს, ტაქსის მძღოლებს, სტომატოლოგებს, რეპეტიტორებს, სტილისტებსა და მკერავებს შეეძლოთ.

დაინტერესებულ პირებს სესხების მოთხოვნა შეუძლიათ, როგორც ფილიალებში ვიზიტით, ისე დისტანციურად, ტერაბანკის ვებსაიტზე www.terabank.ge თვითდასაქმებულებისთვის სესხით სარგებლობა სხვადასხვა მიზნობრიობით არის შესაძლებელი, მათ შორის სხვა ფინანსური ინსტიტუტების ვალდებულების რეფინანსირებისთვისაც.