გრენლანდიის არჩევნებში გამარჯვებული პარტიის ლიდერი და, სავარაუდოდ, მომდევნო პრემიერი, იენს ფრედერიკ ნილსენი ეხმაურება აშშ-ის პრეზიდენტის, დონალდ ტრამპის მიერ გაკეთებულ განცხადებებს გრენლანდიის შემოერთების შესახებ. ნილსენის თქმით, გრენლანდიელები საკუთარ მომავალს თავად გადაწყვეტენ და მათ არც დანიელობა სურთ და არც ამერიკელობა — მათი მიზანი და სურვილი მხოლოდ გრენლანდიელობაა.

"ჩვენ არ გვსურს, ვიყოთ ამერიკელები და არა, ჩვენ არც დანიელობა გვსურს. ჩვენ გვინდა, ვიყოთ გრენლანდიელები, რადგან გვსურს, მომავალში ვიყოთ დამოუკიდებლები და ჩვენი ქვეყანა თავად ვაშენოთ", — განაცხადა იენს-ფრედერიკ ნილსენმა.

გრენლანდიის მოქმედმა პრემიერმა, მუტე ეგედემ, რომელიც ამავე შეხედულებას იზიარებს, განაცხადა, რომ კუნძულმა აშშ-ის პრეზიდენტს პასუხი ოფიციალურად უნდა გასცეს.

"დროა, მკაცრად ვუთხრათ უარი ტრამპს. ხალი ვეღარ გააგრძელებს ჩვენს უპატივცემლობას. აშშ-ის პრეზიდენტმა კიდევ ერთხელ წამოჭრა ჩვენი ანექსიის იდეა — ამას ვერავითარ შემთხვევაში ვერ მივიღებთ", — განაცხადა ეგედემ.

13 მარტს, თეთრი სახლის ოვალურ კაბინეტში NATO-ს გენერალურ მდივან მარკ რუტესთან შეხვედრაზე დონალდ ტრამპმა განაცხადა, რომ გრენლანდიის შემოერთება ძალიან მნიშვნელოვანია აშშ-ის ეროვნული უსაფრთხოებისთვის.