ქართული ოცნებას პარლამენტის დროებითი საგამოძიებო კომისიის საქმიანობასთან და უფლებამოსილებებთან დაკავშირებულ წესებში ცვლილებები შეაქვს. რაც გავლენას მოადენს ნაციონალური მოძრაობის ხელისუფლების საქმიანობის შესწავლის მიზნით შექმნილ საგამოძიებო კომისიის საქმიანობაში.

ინიცირებული პროექტის მიხედვით, თუკი იარსებებს გონივრული ეჭვი, რომ ჩადენილია დანაშაულებრივი ქმედება, პარლამენტის დროებით საგამოძიებო კომისიას, საქმიანობის ნებისმიერ ეტაპზე, შეეძლება შესაბამისი ორგანოს წინაშე გამოძიების დაწყების საკითხი დასვას.

პროექტის ავტორი და ინიციატორები არიან: შალვა პაპუაშვილი, დავით მათიკაშვილი, გიორგი კახიანი, ირაკლი შატაკიშვილი, გრეტა წიწავა და გურამ მაჭარაშვილი.