უწყვეტი პროტესტის 103-ე დღეს რუსთაველის გამზირი ისევ გადაიკეტა. პარლამენტის წინ მიმდინარე უწყვეტ პროტესტს შეუერთდნენ "საზოგადოებრივი მაუწყებლის" შენობასთან გამართული აქციის მონაწილეებიც, თუმცა იქამდე, საპროტესტო აქცია გაიმართა თეატრალური უნივერსიტეტის შენობასთან — მოქალაქეებმა ადმინისტრაციის მიერ გაფიცული სტუდენტებისათვის სტატუსის შეწყვეტა გააპროტესტეს.

აქტივისტების ნაწილი პარლამენტის მიმდებარე ტერიტორიაზე პროტესტის ნიშნად ღამის გათენებას გეგმავს.

რუსთაველის გამზირი პროტესტის ცენტრად მორიგ ჯერზე 28 ნოემბერს იქცა, როცა ირაკლი კობახიძემ გამოაცხადა ქართული ოცნების გადაწყვეტილება, რომ საქართველოს ევროკავშირში გაწევრების საკითხი 2028 წლამდე შეჩერდეს.