მოსკოვი საფრანგეთის პრეზიდენტის ემანუელ მაკრონის ბირთვულ რიტორიკას რუსეთისთვის საფრთხედ მიიჩნევს, ამის შესახებ რუსეთის საგარეო საქმეთა მინისტრმა სერგეი ლავროვმა განაცხადა.

"რა თქმა უნდა, ეს არის საფრთხე რუსეთისთვის. თუ ის ჩვენ საფრთხედ გვთვლის, მოიწვევს ევროპის ქვეყნებისა და ბრიტანეთის გენერალური შტაბის უფროსების შეხვედრას, ამბობს, რომ აუცილებელია ბირთვული იარაღის გამოყენება, ემზადება რუსეთის წინააღმდეგ ბირთვული იარაღის გამოსაყენებლად, ეს, რა თქმა უნდა, საფრთხეა", — განაცხადა ლავროვმა.

მან ასევე ბუნდოვანი და ნერვიული უწოდა მაკრონის განცხადებას უკრაინის კაპიტულაციის დაუშვებლობის შესახებ.

ლავროვის თქმით, საფრანგეთის პრეზიდენტს აქვს შესაძლებლობა განიხილოს თავისი შეშფოთება რუს კოლეგა ვლადიმერ პუტინთან, მაგრამ ამას არ აკეთებს.

"მაკრონი პერიოდულად ამაყად აცხადებს, რომ აუცილებლად დაურეკავს პუტინს და დაელაპარაკება. მას აქვს ასეთი შესაძლებლობები. მას არავინ კრძალავს. პირიქით, პრეზიდენტი მუდმივად ხაზს უსვამს ღიაობას ყველა კოლეგასთან", — თქვა ლავროვმა.

ამავე დროს, მან აღნიშნა, რომ ნებისმიერმა "მეტ-ნაკლებად გონიერმა ადამიანმა" უნდა გაიგოს, რომ მოსკოვს არ სჭირდება შეიარაღებული კონფლიქტი ევროპასთან.

ლავროვი უკრაინაში ევროპელი სამშვიდობოების განლაგების შესახებ დასავლეთში გაჟღერებულ იდეებსაც შეეხო.

მისი თქმით, მოსკოვი ამ საკითხზე კომპრომისის ადგილს ვერ ხედავს. მან ხაზგასმით აღნიშნა, რომ ეს დისკუსია მიმდინარეობს ღიად მტრული მიზნით და ევროპის ქვეყნები "არ მალავენ, რატომ სჭირდებათ ეს".

რუსეთის საგარეო საქმეთა მინისტრმა, სერგეი ლავროვმა აღნიშნა, უკრაინაში უცხოური კონტინგენტის განლაგებას განიხილავენ, როგორც NATO-ს პოტენციურ ყოფნას უკრაინაში.

"ჩვენ კატეგორიულად არ დავაკვირდებით ასეთ ქმედებებს. ეს ნიშნავს, კიდევ ერთხელ ვამბობ, ნატოს ქვეყნების არა ვითომ ჰიბრიდულ, არამედ პირდაპირ, ოფიციალურ, დაუფარავ ჩართვას რუსეთის ფედერაციის წინააღმდეგ ომში. ამის დაშვება არ შეიძლება", — თქვა ლავროვმა.

ამავე თემაზე: