გრენლანდიის პრემიერმინისტრმა მუტე ეგედემ უპასუხა აშშ-ს პრეზიდენტის, დონალდ ტრამპის კომენტარს, რომ აშშ, ასე თუ ისე, გრენლანდიას მაინც მიიღებს.

ეგედეს განცხადებით, გრენლანდიელები დაინტერესებული არ არიან აშშ-ის სურვილებით და "გრენლანდია ეკუთვნით გრენლანდიელებს".

"ჩვენ არ ვართ ამერიკელები, ჩვენ არ ვართ დანიელები, რადგან ჩვენ ვართ გრენლანდიელები — სწორედ ეს არის ის, რაც ამერიკელებმა და მათმა ლიდერებმა უნდა გაიგონ. ჩვენ არ ვიყიდებით", — დაწერა ეგედემ Facebook პოსტში.

პრემიერმინისტრის განცხადებით, ქვეყნის ბედი ქვეყანაშივე გადაწყდება. 11 მარტს გრენლანდიაში საპარლამენტო არჩევნები გაიმართება.