თუ გეგონათ, რომ შონ "დიდი" ქომბსის სკანდალთან დაკავშირებით ახალს ვერაფერს გაიგებდით, ცდებოდით. გავრცელებული ინფორმაციით, რეპერი ჯეი-ზი, რომელსაც "დიდისთან" ერთად 13 წლის გოგოს გაუპატიურებაში სდებდნენ ბრალს, ქალს, რომელიც მას ადანაშაულებდა, ცილისწამებისთვის უჩივის.

ქალმა, რომლის ვინაობაც ანონიმურად რჩება, ჯეი-ზისა და შონ ქომბსის წინააღმდეგ სარჩელი ოქტომბერში შეიტანა. ის რეპერებს 2000 წელს, MTV-ს მუსიკალური დაჯილდოების ცერემონიის შემდეგ, 13 წლის ასაკში ჯგუფურად გაუპატიურებაში ადანაშაულებდა. ქალმა თებერვალში სარჩელი სასამართლოდან გამოიტანა.

ჯეი-ზის სარჩელში ვკითხულობთ, რომ ქალმა "თავისი სურვილით აღიარა", რომ რეპერი გარეშე პირების ზეწოლის შემდეგ დაადანაშაულა. ჯეი-ზის ადვოკატები ამას "ბოროტ შეთქმულებას" უწოდებენ, რომლის მიზანიც მისი რეპუტაციის განადგურება და ფულის გამოძალვა იყო.

რეპერის ცილისწამების სარჩელი, რომელიც ალაბამას ფედერალურ სასამართლოში დარეგისტრირდა, ქალის ადვოკატს, ტონი ბაზბის და მის მრჩეველს, დევიდ ფორტნისაც ადანაშაულებს ქალის სარჩელის ორკესტრირებაში.

ტონი ბაზბიმ საერთაშორისო ყურადღება მას შემდეგ მოიპოვა, რაც შონ ქომბსის წინააღმდეგ სექსუალური შევიწროების, ფულის გამოძალვის, თავდასხმისა და სხვა დანაშაულების შესახებ სარჩელის შეტანაში ოცზე მეტ ადამიანს დაეხმარა. ამჟამად ქომბსი ყველა ბრალდებას უარყოფს.

იხილეთ ასევე: