რამდენს გახსოვთ 90-იანი წლების და ჩვენი გართობისთვის ერთ-ერთ მნიშვნელოვან ატრიბუტი კასეტა? რომელსაც ხან ფანქრით ვახვევდით, ხან ლაქით ვაწებებდით... მოკლედ დიდი ამბები გვქონდა.

დღეს სმარტფონის ეპოქაში აღარც დიდი, მძიმეწონიანი მაგნიტოფონებია და მით უმეტეს აღარც ვიდეოკასეტები.

Daily Mail-მა ცოტა ხნის წინ ინტერნეტში ვიდეო დადო, სადაც მამა, ჯეიმს კრეინი თავის შვილებს, 12 წლის არჩის და 10 წლის ოსკარს კასეტას აძლევს და სთხოვს მუსიკას მოუსმინონ, მაგრამ ბიჭები იბნევიან და წარმოდგენა არ აქვთ ამ უცნაური ნივთით როგორ შეიძლება ადამიანმა მუსიკას უსმინოს.

ბიჭები ჯერ ცდილობენ კასეტა ყურზე მიიდონ, მაგრამ არაფერი გამოსდით და ინტერესით ეკითხებიან მამას როგორ უნდა მოუსმინონ ამ "რაღაცით" მუსიკას.

ამასობაში მათი და, გრეისი იტყვის, რომ კასეტა რამენაირად ტელევიზორს უნდა შეუერთონ, თუმცა არჩი ვარაუდობს, რომ მამამისის ბავშვობაში ტელევიზორები საერთდ არ არსებობდა.

დიდ-ხნიანი მსჯელობის შემდეგ ბიჭები რეალობამდე მაინც ვერ მივიდნენ და ბოლოს ისევ მამას ეკითხებიან როგორ უსმენდნენ მუსიკას მის ბავშვობაში.

საინტერესო ექსპერიმენტია, აიღეთ იდეა და გამოსცადეთ თქვენს შვილები.