Freedom House-ის ანგარიშის თანახმად, საქართველო ნაწილობრივ თავისუფალი ქვეყნების რიგში რჩება.

ორგანიზაციის ყოველწლიური ანგარიშის — "თავისუფლება მსოფლიოში" 2025 წლსი გამოცემის თანახმად, საქართველომ 100 შესაძლო ქულიდან 55 ქულა მიიღო — პოლიტიკური უფლებების ინდიკატორში ქვეყანას შესაძლო 40-დან 21 ქულა აქვს, ხოლო სამოქალაქო უფლებების კუთხით 60-დან 34.

ეს 2024 წელთან შედარებით 3 ქულიან რეგრესს ნიშნავს. ანგარიშში ვკითხულობთ იმასაც, რომ 2024 წელს არჩევნები 65 ქვეყანასა და ტერიტორიაზე ჩატარდა და მათი უმრავლესობა საარჩევნო მანიპულაციებითა და ძალადობით გამოირჩა.

"არჩევნებთან დაკავშირებული საპროტესტო აქციების დროს ძალადობა ფართოდ იყო გავრცელებული 11 ქვეყანაში, მათ შორის საქართველოსა და მოზამბიკში, სადაც უსაფრთხოების ძალებმა დემონსტრანტების წინააღმდეგ არაპროპორციული ძალა გამოიყენეს", — ვკითხულობთ ანგარიშში.